今日放假

夜晚去咗食我期待已久ge一桶雞

今日約埋家姊,姐夫佢地放假

返上水食飯

提早同媽子慶祝生日

本身約咗細姊兩點係上水等一齊去買餸

但我唔知搞咩

成兩點同豬仔彥先係9龍灣出門口

好彩細姊都未出到上水

落咗樓下    先知落雨   無帶遮

諗住照行  點知愈落愈大

最尾都係返上去拎遮

去到巴士站都濕晒

搭70x返上水  搭成個鐘

返到上水  細姊未到

跟住豬仔彥話去食定d野先  打定底

話對於我煮野食無信心   無奈同佢去咗名都小食

一路食就一路彈d野食唔得

話都係9龍灣果d好食

唉  佢真係好煩

食完岩岩好 細姊出到來

跟住一齊去街市買餸

買完返到屋企一陣

就開始整野

跟住我又忍唔住同老豆嗌交

果一刻有諗過唔食飯即刻走

不過我唔想阿媽唔開心

所以......算啦

搞完一大輪  終於開得飯啦

但係......又唔齊人

又係爭大細佬一個

每逢大時大節都係咁

又話要做野

已經早成個月同佢講今日同媽子食飯

但佢就係唔去就d時間返來食

對上一次一家人

齊齊整整食飯我都唔記得何時

我亦都好耐無見佢啦

人大咗   出來做野之後

我好珍惜一家人一齊食飯

開心食過飯後

媽子又要食一大堆藥

其實媽子尋日先至出院

我見到每包藥出面都晝咗d圖

勁搞笑

原來係細細佬為媽子而晝的

佢教媽子食藥ge份量&時段

佢晝咗一個細太陽代表早上食

晝一個大d既太陽係中午食

晝一個星星月亮代表夜晚食

淋瞓前食ge就晝一個人瞓咗係張床度再加d  zzzzzz

食一粒就晝一個圓圈

食一粒半就晝一個圓圈加半圓

我同家姊佢地笑到眼水都出埋

細細佬真係有創意

最後食埋旦糕

媽子:生日快樂!身體健康!

媽子唔知望邊

豬仔彥,媽子&me

姐夫唔知想點

4姐弟&媽子

9點幾姐夫車埋我地出荃灣

我同豬仔彥再搭小巴出9龍灣

架小巴開得超快

10零分鐘出到去

哎  聴日又返早  好彩都有得收早

上水屋企果隻猫生咗5隻猫仔  好得意

今日放假

返咗上水